Sedes colloquii

Colloquium hoc loco habebitur:

Universität Innsbruck
Christoph-Probst-Platz
Innrain 52
A-6020 Innsbruck

Omnes acroases academicae colloquii nostri his in aedificiis, quae in Campo Universitatis Oenipontanae sita sunt, audientur.
Locus colloquii nostri media in urbe situs non solum a plurimis locis videndi dignis paulum distat, sed paene omnibus hospitiis proximus est. Quaedam hospitia in urbis nucleo aetatis mediae („Altstadt“) sita sunt. Illinc ad universitatem pedibus ambulaturo X minutae sufficient. A hospitiis longinquius sitis automobilibus grandibus vel tramvia facile ad universitatem pervenire potestis. Ecce locus societatis Oenipontanae automobilium tramviaeque (“Innsbrucker Verkehrsbetriebe” - IVB) in reti universali, ubi et tabulas profectionis adventusque vehiculorum invenies:

Ab hospitio profectus si „Innrain 52” consecutus eris, ante aedificia universitatis stans ad sinistram partem aedificia prisca universitatis Leopoldino-Francisceae (quam in imagine photographica hic adiuncta contemplari potes) videbis, ad dextram partem duo nova turribus similia. Colloquium in auditoriis aedificiorum et priscorum et novorum habebitur.

Tabulae necnon signa viam ad secretariatum colloquii monstrabunt. Secretariatum colloquii quarto in tabulato novi aedificii in medio siti („Geiwi-Turm“, id est, „turris artium liberalium“) invenies.